ಕುಪ್ಪಿ ಲೋಟ

ನನ್ನ ಜೀವನದಲ್ಲಿ ಸಂಭವಿಸಿದ ಅತ್ಯುತ್ತಮ ವಿಷಯ "ನನ್ನಣ್ಣ".
ಬೇರೆಯವರ ಮನೆ ವಿಷಯ ನಂಗೊತ್ತಿಲ್ಲ.
ನನ್ನಮ್ಮ ಮಾತ್ರ ಏನೇ ವಸ್ತು ತಂದ್ರು, ಎರೆಡೆರೆಡು ತರ್ತಿದ್ರು. ನನಗೊಂದು ಅಣ್ಣನಿಗೊಂದು.
ತಿನ್ನುವ ವಸ್ತುವಾಗಲಿ, ಬೇರೆ ಏನೇ ಆಗಲಿ, ನಮ್ಮಿಬರಿಗೆ ಸಮಾನ ಹಂಚುವಿಕೆ.
ಆದರೂ ಬೇಕಂತ ಜಗಳ ಆಡ್ತಿದ್ವಿ. ಹೊಡೆದಾಡಿದ್ದು ಇದೆ.

ಒಂದು ತುಣುಕು:
ಇದು ಬಹಳ ವರ್ಷದ ಹಿಂದಿನ ಕತೆ.
ಕುಪ್ಪಿ (ಗ್ಲಾಸ್) ಲೋಟದಲ್ಲಿ ಚಹಾ ಕುಡಿಯುವುದೆಂದರೆ ನನಗೆ ಹಾಗು ನನ್ನಣ್ಣನಿಗೆ ತುಂಬಾ ಇಷ್ಟ.
ಅದು ಸಹ ಸಣ್ಣ ಸಣ್ಣ ಕ್ಯಾಂಟೀನ್ಗಳಲ್ಲಿ ಕೊಡುವಂತಹ ಕುಪ್ಪಿ ಲೋಟ.
ಅದನ್ನರಿತ ಅಮ್ಮ, ಎರೆಡು ಕುಪ್ಪಿ ಲೋಟ ತಂದರು.
ಅಂದಿನಿಂದ ನನಗು ಅಣ್ಣನಿಗೂ ಅದರಲ್ಲಿಯೇ ಚಹಾ.
ಅದೊಂದು ದಿನ ಅದರಲ್ಲಿ ಒಂದು ಲೋಟ ಹೊಡೆದುಹೋಯ್ತು.
ಈಗ ಇರುವುದು ಕೇವಲ ಒಂದೇ.
ಇಂನೊಂದು ಲೋಟವ ಅಂಗಡಿ ಹೋಗಿ ತರಲು ಅಮ್ಮನಿಗೆ ಬೆಂಗಳೂರು ಗೊತ್ತಿಲ್ಲ. ಮಕ್ಕಳಾದ ನಮಗೆ ಸಮಯವಿಲ್ಲ.
ವಾರಕೊಮ್ಮೆ ಮನೆಗೆ ಬರುವ ನನಗೆ ಈಗಲೂ ಅಮ್ಮ ಅದೇ ಹಳೆಯ ಕುಪ್ಪಿ ಲೋಟದಲ್ಲಿ ಚಹಾ ಕೊಡುತ್ತಾರೆ.
ಅಣ್ಣ ಹುಸಿಮುನಿಸು ತೋರಿಸುತ್ತಾನೆ. ನಮ್ಮ ಕಾಗೆ ಜಗಳ ನಿರಂತರ.
ಎಷ್ಟೇ ದೊಡ್ಡವರಾದರು ಈ ಸಣ್ಣ ಸಣ್ಣ ಹುಸಿ ದಡ್ಡತನ ಖುಷಿ ಕೊಡುತ್ತದೆ.
ಈ ಪುಟ್ಟ ಪುಟ್ಟ ಜಗಳದಲ್ಲಿ ನಮ್ಮ ದೊಡ್ಡ ದೊಡ್ಡ ಖುಷಿ ಅಡಗಿದೆ.

ಅಣ್ಣತಂಗಿಯ ಸಂಭಂದ ಬಲುಮಧುರ.