ಅವಳು (ಅಭ್ಬಾ, ಪ್ರತಿ ತಿಂಗಳ ಆ ಮೂರು ದಿನಗಳು)

ಋತುಚಕ್ರ ನೈಸರ್ಗಿಕ ಪ್ರಕ್ರಿಯೆ. ಇದರಲ್ಲಿ ನಾಚಿಕ್ಕೊಳ್ಳುವಂತಹ ಯಾವುದೇ ಪ್ರಸಂಗವಿಲ್ಲ.
ಈ ಸಂದರ್ಭದಲ್ಲಿ ದೇಹದಲ್ಲಿಯಾಗುವ ಅತೀವವಾದ ಹಾರ್ಮೋನಲ್ ಏರಿಳಿತಗಳು, ಆಕೆಯ ಮಾನಸಿನ ಸ್ಥಿತಿಯನ್ನು ಸ್ವಲ್ಪ ಹೆಚ್ಚೇ ಸೂಕ್ಷ್ಮವನ್ನಾಗಿಸುತ್ತದೆ.  ಋತುಚಕ್ರದ ಸಂದರ್ಭದಲ್ಲಿ ೧೦೦ ರಲ್ಲಿ ಶೇಕಡಾವಾರು ೨೦ ರಷ್ಟು ಮಹಿಳೆಯರಿಗೆ ದೇಹದ ನಾನಾ ಭಾಗಗಲ್ಲಿ ಸೆಳೆತಗಳು ಹಾಗು ಅಸಾಧ್ಯ ನೋವುಗಳು ಕಂಡು ಬರುತ್ತದೆ. ಉಳಿದ ಕೆಲವರಿಗೆ ಸಾಮಾನ್ಯ ದಿನದಂತೆಯೆ ಇರುತ್ತದೆ. ಆಹಾರ ಶೈಲಿ, ಧೈನಂದಿನ ಚಟುವಟಿಗೆಗಳ್ಲಲಿ ವ್ಯತ್ಯಾಸ ಅಥವಾ ಭಾವನಾತ್ಮಕ ಒತ್ತಡಗಳು, ಹೀಗೆ ಹತ್ತು ಹಲವು ವಿಷಯಗಳು ಋತುಚಕ್ರ ಸೆಳೆತೆಗಳಿಗೆ ಬಹಳವಾಗಿಯೇ ಪರಿಣಾಮಗಳು ಬೀರುತ್ತವೆ. ಈ ನೋವುಗಳು ಅಷ್ಟಿಷ್ಟು ಸಾಮಾನ್ಯವಾದವಲ್ಲ ಸೀಳು ನಾಯಿ ಮಾಂಸಕಾಂಡಗಳ ಕಚ್ಚಿ ಎಳೆದಂತೆ ಕೆಳ ಹೊಟ್ಟೆಯ ಮಾಂಸವನ್ನು ಯಾರೋ ಜೋರಾಗಿ ಎಳೆದು ಕಿತ್ತು ತಿಂದಂತಾಗುತ್ತದೆ. 
ಒಂದಲ್ಲ ಒಂದು ಸಲವಾದರೂ ಹೆಣ್ಣಾಗಿ ಹುಟ್ಟಿದ ಜೀವವೊಂದು ಈ ರೀತಿಯಾದ ಬೇನೆಯನ್ನು ಅನುಭವಿಸಿಯೇ ಅನುಭವಿಸಿರುತ್ತಾಳೆ. ಇಂತಹ ಸಂದರ್ಭಗಳ್ಲಲಿ ಆಕೆಗೆ ಬೇಕಿರುವುದು ನೆಮ್ಮದಿ ಹಾಗು ಅವಳನ್ನು, ಅವಳ ಚಿತ್ತವನ್ನು (ಮೂಡ್) ಅರ್ಥಮಾಡಿಕೊಂಡು ಅನುಸರಿಸಿ ಕೊಂಡೋಗುವ ಸಂಗಾತಿ. 
ಅವಳಿಗಾಗಿ ಕರುಣೆ ಬೇಡ, ಪ್ರೀತಿಸಿ, ಸಹಜವಾಗಿ ನಡಿಸಿಕೊಳ್ಳಿ. ಆಫ್ಟರ್ ಆಲ್, ಇಟ್ಸ್ ನ್ಯಾಚುರಲ್. ನಥಿಂಗ್ ಇಸ್  ದೇರ್ ಟು ಬಿ ಅಷೇಮ್ಡ್ ಅಬೌಟ್.