Try again

ಇದು ನೀನು,
ನಿನ್ನ ನಾ ಬಿಟ್ಟುಕೊಡಲಾರೆ.
ಬಿಟ್ಟುಕೊಡಲಾರೆ, ಹಾಗಂತ ಕಟ್ಟಿಡಲಾರೆ, ಬಚ್ಚಿಡಲಾರೆ.
ನಿನ್ನೊಂದಿಗಿರ ಬಯಸಿ ಪಡುವ
ಪ್ರತಿಭಾರಿಯಾ ಪ್ರಯತ್ನವೆಲ್ಲಾ ವ್ಯರ್ಥವಾಗುವುದು. ನೋವ ನೀಡುವುದು.
ನನ್ನಂತೆಯೇ ನೀನು ಚಡಪಡಿಸುವೆಯ? ಗೊತ್ತಿಲ್ಲ.
ಅಥವಾ ನಾನು, ನೀನು ಚಡಪಡಿಸಲು ಅವಕಾಶವೇ ನೀಡಿಲ್ಲವೇ? ಗೊತ್ತಿಲ್ಲ.
ನೀನೇಕೆ ಪ್ರತಿಬಾರಿಯೂ ಸೋಲಬೇಕು? ಸ್ವಾಭಿಮಾನವಿಲ್ಲವೇ ನಿನಗೆ?
ಕೇಳಿದಳು ನನ್ನ, ನನ್ನ ಗೆಳತಿ.
ಏನ್ನೆನುವುದು ಅವಳಿಗೆ? ಏನ್ನೆನುವುದು? 
ಅರಿಯದೆ ಸಣ್ಣದಾಗಿ ಅತ್ತಿದೆ.
ಮತ್ತದೇ ಪ್ರಶ್ನೆ, ನೀನೇಕೆ ಅಳಬೇಕು? ನಿನಗೇಕೆ ಈ ಬೇನೆ?
ನನ್ನ ಬಳಿ ಇದಕ್ಕೂ ಉತ್ತರವಿಲ್ಲ. ಕೇವಲ ನಾ ಬಲ್ಲೆ,
ನನ್ನ ಅಳುವೆಲ್ಲ ನನ್ನ ನಗುವಿಗಾಗಿಯೆ.
ಮನಸಾರೆ ಎಷ್ಟು ಅತ್ತಿರುವೆನು ಅಷ್ಟೇ ನಕ್ಕಿರು.
ನಿನಗಾಗಿ ಸಾವಿರ ಸೋಲು ಸರಿಯೇ,
ಸಾವಿರ ನೋವು ಸರಿಯೇ,
ಸಾವಿರ ಅವಮಾನವೂ ಸರಿಯೇ.
ಇದು ನೀನು,
ನಿನ್ನ ನಾ ಬಿಟ್ಟುಕೊಡಲಾರೆ.

Courage

It takes courage to hold it or to let it go.
Both of them requires a huge strength
and high willpower.

ತುಂತುರು

ಪಿರಿ ಪಿರಿ ಮಳೆ,
ಒಮ್ಮೊಮೆ ಮೋಡದ ಮರೆಯಿಂದ ನಿಲ್ಕಿ ನೋಡುವ ಸೂರ್ಯ,
ಕಾಮನಬಿಲ್ಲು,
ದಿನ ಪೂರ್ತಿ ಮಳೆ,
ರಾತ್ರಿ ಪೂರ್ತಿ ಮಳೆ,
ಮಳೆ, ಮಳೆ, ತುಂತುರು ಮಳೆ,
ಜಡಿ ಮಳೆ,
ಜಿಗಣೆ, ಕಂಬಳಿ ಹುಳುಗಳು,
ಮಹಿಂದ್ರಾ ಜೀಪು,
ಮಣ್ಣು ಮೆತ್ತಿಕೊಂಡ ಕಾಲುಗಳು,
ಮೈಗಂಟಿದ ಕೆಸರು,
ಒದ್ದೆಯಾದ ಕೂದಲು; ಬಟ್ಟೆ!, ಮೈಗಂಟಿ ಕಿರಿಕಿರಿ.
ಒಂದೊಳ್ಳೆ ಬಿಸಿ ಬಿಸಿ ಕೆ.ಟಿ.
ಬಿಸಿ ಬಿಸಿ ಓಲೆ ಹಂಡೆ ನೀರಿನ ಮೀಯಾಣ.
ಕೆಂಪಕ್ಕಿ ಗಂಜಿ, ಜೊತೆಯಲ್ಲಿ ಕೆಂಪು ಕಾಯಿ ಚಟ್ನಿ, ತುಪ್ಪ, ಉಪ್ಪು!
ಆ ಚಳಿ ಚಳಿ ರಾತ್ರಿ, ಬೆಚ್ಚನೆಯೆ ಕಂಬಳಿ!
ಟೂಯ್ಯ್ ಯೆಂದು ಪದವಾಡುವ ನುಸಿ,
ಅದ ಓಡಿಸಲು ಅಡಿಕೆ ಸಿಪ್ಪೆಯ ಅಗುಷ್ಟೇ
ಕತ್ತಲೆ ಕೊಣೆ.
ಅಜ್ಜಿಯ ಕಥೆಗಳು. 
ಒಳ್ಳೆಯ ನಿದ್ದೆ.
ಶಾಂತಿ, ನೆಮ್ಮದಿ, ಖುಷಿ.

ಏಕಿಷ್ಟು ಚೆಂದ?

ಪ್ರತಿದಿನ ನಾ ನಡೆದು ಬರುವ ಹಾದಿಯ ಅಂಚಿನಲ್ಲಿರು, ಅಷ್ಟುದ್ದ ಬೆಳೆದುನಿಂತು ಬಾನ ಚುಂಬಿಸುತ್ತಿರುವ ಈ ಮರಗಳೇಕೆ, ಇಷ್ಟು ಚೆಂದ? ಈ ನೀಲಿ ನೀಲಿ ಬಾನೇಕೆ, ಇಷ್ಟು ಚೆಂದ? ನೀಲಿ ಬಾನಲಿ ಹತ್ತಿಯಂತೆ ಮೆದ್ದುಕೊಂಡಿರುವ ಈ ಮೋಡಗಳೇಕೆ,
ಇಷ್ಟು ಚೆಂದ? ಈ ಮೋಡಗಳ ಅಂಚಿನಿಂದ ಕದ್ದು ಮುಚ್ಚಿ ಆಟವಾಡುವ ಈ ಸೂರ್ಯನೇಕೆ, ಇಷ್ಟು ಚೆಂದ? ಸೂರ್ಯನ ಕಂಡು ಮುದ್ದಾಗಿ ಅರಳುವ ಈ ತಾವರೆ ಹೂವೇಕೆ, ಇಷ್ಟು ಚೆಂದ? ಬಣ್ಣ ಬಣ್ಣದಾ ಹೂಗಳು, ಮುದ್ದು ಮುದ್ದು ಮಗುವಂತೆ ನಗುತ್ತಾ,
ಆಕರ್ಶಿ ಮನಕೆ ಮುದ ನೀಡುವುದು.  ಎಲ್ಲಿಂದಲೋ ಕಡೆ ಇಲ್ಲದ ಕೊಡಿ ಇಲ್ಲದ ತಂಗಾಳಿ ಕೆನ್ನೆ ಸೋಕಿ, ಕಿವಿಯಲ್ಲೊಂದು ಗುಟ್ಟನೇಳಿ ಹೂಗುವುದೇಕೆ? ಅಬ್ಬಾ!!! ನಾನಿರುವ ಈ ಭೂಮಿ ಏಕಿಷ್ಟು ಚೆಂದ? ಚಿಗುರಿದ ಎಳೆಗಳು, ಬಾಡಿ ಮುದುಡಿ ವಣಗಿ ಬಿದ್ದ ಎಳೆಗಳು,  ಹೂಗಳು, ಹಣ್ಣುಗಳು, ಹಾರಾಡುತ ಹಾಡುವ ಹಕ್ಕಿಗಳು, ತಣ್ಣಗೆ ಬೀಸುವ ಗಾಳಿ,  ಹರಿವ ನದಿ, ನಿಂತ ನೀರು, ಸಾಗರದ ಅಲೆಗಳು, ಬೆಟ್ಟ ಗುಡ್ಡಗಳು, ಜಡಿಗಟ್ಟಿ ಸುರಿವ ಮಳೆನೀರು, ಸೋರುವ ಸೂರು, ಅಜ್ಜಿ ಇದ್ದ ಹಳೆಯ ಮಣ್ಣಿನ ಮನೆಯ ನೆನಪು, ನನ್ನಜ್ಜ, ನನ್ನಪ್ಪ, ಅಬ್ಬಾ! ಎಲ್ಲವೂ ಏಕಿಷ್ಟು ಚೆಂದ?  ಗರಿಬಿಚ್ಚಿ ನಲಿವ ನವಿಲು, ಆ ಗರಿಗಳಾ ಬಣ್ಣ, ಕೋಗಿಲೆಯ ಕುಹು ಕುಹೂ ಗಾನಾ, ಸಪ್ತ ಸ್ವರ, ಆ ಹಂಸ, ಅಯ್ಯೋ ಅಜ್ಜನ ಮನೆಯ ಆ ಕುರುಗಳು, ಕಯ್ಯೊಡ್ಡಿದರೆ ದೊರಗು ನಾಲಿಗೆಯಿಂದ ಮುದ್ದಿಸುವ ಚೆಂದ! ಅದು ಕೊಡುವ ಹಾಲು. ಸಕ್ಕರೆಯ ಪಾಕ. ಜೇನಿನ ಜಲ್ಲೆ. ಅಜ್ಜಿಯ ಕೋಣೆ ಕಿಟಕಿಯಿಂದ ಬರುವ ಬೆಳಕು, ನನ್ನ ಕೈಯ್ಯಿ ನೇವರಿಸುತ್ತಾ ಅವಳಾಡುತ್ತಿದ್ದ ಆ ಹಾಡುಗಳು, ಅವಳ ಪ್ರೀತಿಭರಿತ ನೋಟ, ಹಾನ್ !! ಕಾಡಮಧ್ಯವಿರುವ ಮನೆ, ಜೀರಿಂಬೆಯ ಶಬ್ಧ. ಕಾಡುವ ನಕ್ಷತ್ರ ಲೋಕ, ಅವಗಳ ಮಧ್ಯದಿ ನಗುವ ಚೆಂದಿರ.  ದೇವರೇ, ಎಲ್ಲವೂ ಏಕಿಷ್ಟು ಚೆಂದ?..... ಏಕಿಷ್ಟು ಚೆಂದ?

Respect

& I totally deserve it.
though I sound arrogant. 

I crave

೧೪-೦೨-೨೦೧೮

ಭಾಗ-೧:

ಕೈಯ್ಯಲ್ಲಿ ಮೊಬೈಲ್ ಫೋನ್ ಹಿಡಿದು, ಹಾಗೆ ಕುಳಿತುಕೊಂಡು ಸುಮ್ಮನೆ ಫೇಸ್ಬುಕ್, ವಾಟ್ಸಪ್ಪ್ ಅನ್ನು ನೋಡುತಿದ್ದೆ. ಎಲ್ಲೆಡೆ   ಪ್ರೇಮಿಗಳ ದಿನಾಚರಣೆಯ ಪೋಸ್ಟ್ಗಳೆ. ತಮ್ಮ ತಮ್ಮ ಹಿಂಡತಿ, ಗಂಡ, ಮಕ್ಕಳು, ಗರ್ಲ್ ಫ್ರೆಂಡ್, ಬಾಯ್ ಫ್ರೆಂಡ್, ಅಪ್ಪ, ಅಮ್ಮ ಹೀಗೆ.
******

ಪದೇ ಪದೇ ಇಂತಹುದನ್ನೇ ನೋಡುತಿದ್ದರೆ ನಮ್ಮ ಮೆದುಳು ಅದಕ್ಕನುಗುಣವಾಗಿ ವರ್ತಿಸಲಾರಂಭಿಸುತ್ತದೆ. ಸೈಸ್ಕೋಲೊಜಿಕಲಿ ಇದನ್ನು "ಮೇರೆ ಇಕ್ಸ್ಪೋಜರ್" ಎಂದು ಕರೆಯುತ್ತಾರೆ.

ಉದಾಹರಣೆಗೆ,ಟಿವಿಯಲ್ಲಿ ಬರುವ ಜಾಹಿರಾತುಗಳು, ರಸ್ತೆ ಬದಿಯಲ್ಲಿ ಕಂಡುಬರುವ ಜಾಹಿರಾತುಗಳ ಬ್ಯಾನೆರ್ಗಳನ್ನೂ ಪದೇ ಪದೇ ನೋಡುವುದರಿಂದ ನಮ್ಮಲ್ಲಿ ಅದರ ಮೇಲಿನ ಕುತೂಹಲ ಹೆಚ್ಚುತ್ತದೆ, ಅಥವಾ ಅವುಗಳ್ಳನ್ನು ಕೊಂಡು ಬಳಸುವ ಮನಸಾಗುತ್ತದೆ, ಇದನ್ನೇ "ಮೇರೆ ಇಕ್ಸ್ಪೋಜರ್" ಎಂದು ಕರೆಯುವುದು. ೧೦೦ರಲ್ಲಿ ೯೦ರಷ್ಟು ಪ್ರೀತಿ ಪ್ರೇಮದ ಕಥೆಗಳಿಗೂ ಇದುವೇ ಕಾರಣ. ಒಬ್ಬ ವ್ಯಕ್ತಿಯನ್ನು ಪದೇ ಪದೇ ಭೇಟಿಯಾಗುವುದು, ಮಾತನಾಡುವುದರಿಂದ ಅವರಲ್ಲಿ ಆಸಕ್ತಿ ಮೂಡುತ್ತದೆ, ಕರ್ಮೇಣವಾಗಿ ಪ್ರೀತಿಯಾಗಿ ಬದಲಾಗುತ್ತದೆ. ಇಂತಹ ಭಾವನೆಗಳು ಹೆಚ್ಚು ಕಾಲ ಹಾಗೆಯೇ ಹಳಸದಂತೆ  ಉಳಿಯಬೇಕಾದರೆ, ಪ್ರೀತಿಯಂಬ ಸಂಭಂದದಲ್ಲಿ ಇಬ್ಬರ ನಡುವೆಯೂ ಭಾವೋದ್ರೇಕಥೆ ಇರಬೇಕು. ಇದಕ್ಕಾಗಿ ಹೊಸ ಹೊಸ ದಾರಿಯನ್ನು ಕಂಡುಕೊಳ್ಳ ಬೇಕು. ಒಬ್ಬರನೊಬ್ಬರು ಖುಷಿಯಾಗಿಡವ ಪ್ರಯತ್ನ ಎಂದಿಗೂ ನಿಲ್ಲಬಾರದು.ಈ ಪ್ರಯತ್ನದ ಹಾದಿ ನಮಗೂ ಸಂತೋಷಮಯವಾಗಿರುವಂತಹದಾಗಿರಬೇಕು.  ಪ್ರೀತಿಯಂಬ ಎರೆಡಕ್ಷರದ ಈ ಸೌಮ್ಯ ಸಸಿಯನ್ನು ಓಮ್ಮೆ ಗಟ್ಟಿಬೇರೂರುವರೆಗಷ್ಟೇ ಸರ್ಕಸ್. ನಂತರ ಒಬ್ಬರಮೇಲೊಬ್ಬರಿಗೆ ಪ್ರೀತಿ ಎಷ್ಟು ಗಾಢವಾಗುವುದೆಂದರೆ, ಅದು ಮಾಸಿ ಹೋಗುವಷ್ಟರಲ್ಲಿ ನಾವೇ ಮಾಸಿಹೋಗಿರುತ್ತೇವೋ ಏನೋ.
******

ಇದೆಲ್ಲವೂ ನನ್ನ ಕಲ್ಪನೆಗಳಿಗಷ್ಟೇ ಸೀಮಿತವಾಗಿದೆ.
******

ಭಾಗ-೨:

ನನಗೊಂದು ಕನಸು,
ನನಗೆ, ನಾನು ಹೇಗೆ ನನ್ನವರನ್ನು ಪ್ರೀತಿಸುತ್ತೇನೋ,ಹಾಗೆಯೇ ನನ್ನನು ಪ್ರೀತಿಸುವವರು ಬೇಕು.
ಡಿಟ್ಟೋ ಡಿಟ್ಟೋ.
ಆ ಪ್ರೀತಿ (ನಾನು ಪ್ರೀತಿಸುವಬಗೆಯ ಪ್ರೀತಿ) ಹೇಗಿರುವುದೆಂದು ನಾನೊಮ್ಮೆ ಅನುಭವಿಸಿ ನೋಡಬೇಕು. I wanna get loved by the way I love!! & wanna explore it.
******

ಹೀಗೆಲ್ಲ ಏನ್ ಏನೋ ಅನಿಸುವುದುಂಟು ಕೆಲವೊಮ್ಮೆ.
ಒಬ್ಬಳೆ ನಗುವುದುಂಟು ಕೆಲವೊಮ್ಮೆ.
ನಕ್ಕು ನಂತರ ಬೇಜಾರು ಮಾಡಿಕೊಳ್ಳುವುದುಂಟು ಕೆಲವೊಮ್ಮೆ.
******

I crave, I crave for my part of love.
******

ತಿಗಣೆ

ಅಪ್ಪ ಯಾವಾಗ್ಲೂ ಹೇಳ್ತಾರೆ. ಒಳ್ಳೆಯ ಊಟ, ಒಳ್ಳೆಯ ಜೀವನ ಸಂಗಾತಿ, ಒಳ್ಳೆಯ ಸ್ನೇಹಿತರು, ಒಳ್ಳೆಯ ಗುರುಗಳು, ಒಳ್ಳೆಯ ಜೊತೆಗಾರರು (ಕೆಲಸ ಮಾಡುವ ಸ್ಥಳದಲ್ಲಾಗಲಿ, ಅಕ್ಕಪಕ್ಕದ ಮನೆಯವರಾಗಲಿ, ಹೀಗೆ .. ), ........  ಸಿಗಲು ಪುಣ್ಯ ಮಾಡಿರಬೇಕು ಅಂತ. ಹೌದು ಅಂತ ಅನಿಸುತ್ತಿದೆ, ನಿಮಗೆ ತೊಂದರೆ ಕೊಡುವುದೇ ನನಗೆ ಸುಖ ಅನ್ನುವಹಾಗೆ ನಡೆದುಕೊಳ್ಳುವ, ಒಂದೇ ರೂಮ್ನಲ್ಲಿರುವ ರೂಮಿಯನ್ನು ಸಹಿಸಿಕೊಂಡು ಸಹಿಸಿಕೊಂಡು, ಸಹನಶಕ್ತಿಯ ಕಟ್ಟೆಯೊಡೆದು ಅತಿಯಾದ ಕೋಪವೊಂದು ಬರುತಿದೆ, ಕೋಪಕ್ಕಿಂತಲೂ ಹೆಚ್ಚು ನೋವಾಗುತ್ತಿದೆ. ಹಾಗಂತ ಚೆಂಡಿಯಂತೆ ಅವಳ ಮೇಲೆ ಎಗರಾಡಿ ಕಿರುಚಾಡಿ ರಚ್ಚೆ ಮಾಡಲು ನನಗೆ ಸಾಧ್ಯವಿಲ್ಲ. ಬೇಕಿದ್ರೆ ನಾಲ್ಕು ಪೆಟ್ಟೇ ಕೊಡೋದು. ದಂಡಂ ದಶಗುಣಮ. ಹಾಹಾ.

ನನಗನಿಸುತ್ತದೆ,
ನನ್ನ ಪಾಲಿನ ಪುಣ್ಯವೆಲ್ಲಾ ಒಳ್ಳೆಯ ಅಪ್ಪ ಅಮ್ಮನ ಪಡೆಯುವುದರಲ್ಲಿಯೇ ಖರ್ಚಾಗಿ ಹೋಗಿರಬೇಕು. ಒಳ್ಳೆಯ ರೂಮಿ ಪಡೆಯಲು ಏನು ಉಳಿದಿಲ್ಲವೆಂದೆನಿಸುತ್ತದೆ. ಆಫ್ಟರ್ ಆಲ್ ಅತ್ಯಮೂಲ್ಯವಾದದ್ದು ನನ್ನ ಬಳಿಇರುವಾಗ ಎಲ್ಲಾ ಪುಣ್ಯವು ಅದರಲ್ಲಿಯೇ ಖರ್ಚಾಗಳೇ ಬೇಕಿತ್ತು.