Close your eyes. (Part 2)

ಇನಿಯನ ನೋಡದೆ ನೀರಿಲ್ಲದ,
ಮೀನಂತೆ ಚಡಪಡಿಸುತ್ತಿದ್ದ ಆಕೆಯ ಮನದಲ್ಲಿ,
ಸಾವಿರಾರು ಮಾತುಗಳು ಹುದುಗಿದ್ದವು.
ಅವನನ್ನು ಕಂಡು ಅದನ್ನೆಲ್ಲಾ ಹೇಳಿಬಿಡುವ ತವಕ.
ಎಂದಿನಂತೆಯೇ ಇಂದು ಅವನ ಕಂಡು ಮಾತುಗಳು ಸೋತಿವೆ, ಸತ್ತಿವೆ.
ಕಂಡ ಸಂತೋಷದಿ ಮಾತುಗಳ ಸಮಾದಿಯ ಮೇಲೆಯೇ ನಗುವೊಂದು ಹುಟ್ಟಿದೆ.
ಉಸಿರುಗಟ್ಟಿಸುವಷ್ಟು ಸಂಭ್ರಮ.
ಅವನಾಡಿದ ಮಾತಿಗೊಂದಿಷ್ಟು ನಾಚಿಕೆ.
ಅವಳಿಗೆ ಅವಳ ಪರಿಚಯಿಸುವ ಅವನ ಆಟ.
ಅನಿರೀಕ್ಷಿತವಾಗಿ ಮಳೆ, ಬಿಸಿಲು.
ಮಿನುಗುವ ಮಳೆಬಿಲ್ಲು.
ಆಗ ಮೂಡಿದ ಪಿಸುಮಾತು,
ಕಣ್ಣ ಮುಚ್ಚಿಕೋ.
ಕಣ್ಣು ಮುಚ್ಚಿಕೊ, ಮಳೆಬಿಲ್ಲಿನಲ್ಲಿ ಜಾರುವ.
ಜಾರುತ ಕಾಣೆಯಾಗುವ.