ದಾರಿಹೋಕ

ಅದೇ ಹಳೆಯ ದಾರಿ,
ಅದೇ ಹಳೆಯ ಹುಲ್ಲಿನ ಅಂಗಡಿ, ಸೋಗೆಯ ಸೂರು.
ಸೂರಿನಡಿ ಅದೇ ಹಳೆಯ ಕಬ್ಬಿನ್ನಹಾಲು ಮಾರುವವ,
ಹಳೆಯದಾರಿಯಲ್ಲಿ, ಹಳೆಯ ಹುಲ್ಲಿನಂಗಡಿಯ ಮುಂದೆ ನಡೆದು ಹೋಗುತ್ತಿದ್ದ ಹೊಸ ದಾರಿಹೋಕ,
ಹೇಳದೆ ಕೇಳದೆ ದೊಯ್ಯ್ ಎಂದು ಸುರಿದ ಮಳೆ.
ಮಳೆಯಿಂದ ರಕ್ಷಿಸಿಕೊಳ್ಳುವಾತುರದಿ,
ಕಬ್ಬಿನಹಾಲ ಸಿಹಿಯಲ್ಲಿ ಮುಳುಗಿದ್ದ ನಮ್ಮೆಡೆಗೆ ನುಗ್ಗಿದ.
ಮಳೆ ಮೌನವಾಗುವವರೆಗೂ ದಾರಿಹೋಕನ ಮಾತು ನಿಂತಿರಲ್ಲಿಲ್ಲ.
ಆಗಲೇ ತಿಳಿದ್ದದ್ದು ಆ ಹಳೆಯ ದಾರಿ, ಹಳೆಯ ಹುಲ್ಲಿನಂಗಡಿ, ಅವನಿಗೆ ನನಗಿಂತಲೂ ಹಳೆಯದೆಂದು.
ನಮ್ಮಿಬ್ಬರ ಗುರಿಗಳು ಬೇರೆಯಾದರು ಹೋಗುವ ದಾರಿಯು ಒಂದೇ ಎಂದು.