Celebration of love.

ಎಂದಿನಂತೆ ಇಂದು.
ಅದುವೇ ಮನೆ, 
ಅದುವೇ ಕೆಲಸ.
ಎಂದಿನಂತೆಯೇ ಇಂದು.
ದಿನ ಒಂದೇ ಪ್ರಶ್ನೆ,
ನನಗೆ ಎಲ್ಲಿಂದ ಇಷ್ಟು ಮುದ್ದಾದ ಮುದ್ದು ಸಿಕ್ಕಿದ?
ಉತ್ತರ ಸಿಗದ ಪ್ರಶ್ನೆ,
ಎಂದಿಗೂ ಹಳಸದ ಪ್ರಶ್ನೆ.
ಬೋರ್ ಆಗದ ಪ್ರಶ್ನೆ. 
ಎಂದಿನಂತೆ ಇಂದು.
ಮತ್ತದೇ ದಿನ.
ಅದೇ ಮನೆ.
ಅದೇ ಮನ.
ಎಂದಿನಂತೆ ಇಂದು.
ಮತ್ತೆ ಮತ್ತೆ ಅವರ ಅದೇ ನಗು,
ಅವರ ದೇಹದ ಅದೇ ಪರಿಮಳ.
ಮತ್ತೆ ಮತ್ತೆ ಅವರ ಮೇಲೆ ತೀರದಷ್ಟು ಹುಚ್ಚು ಪ್ರೀತಿ.
ಖುಷಿಗೆ ಅಳುವೊಂದು ಮೂಡುವುದು,
ಜೊತೆಯಲ್ಲಿಯೇ ಅರಳುವ ತುಟಿಗಳು.
ಎಂದಿನಂತೆ ಇಂದು.
ಆಶ್ಚರ್ಯಾದಿ ಹುಬ್ಬು ಏರಿಸಿ ಅವರನ್ನೇ ದಿಟ್ಟಿಸಿ, ಯೋಚಿಸಿದಾಗ, 
ಮತ್ತೆ ಕಾಡುವು ಅದೇ ಹಳೆಯದಾಗದ ಹಳೆಯ ಪ್ರಶ್ನೆ
ನನಗೆ ಎಲ್ಲಿಂದ ಇಷ್ಟು ಮುದ್ದಾದ ಮುದ್ದು ಸಿಕ್ಕಿದ?